×

Warning

JUser: :_load: Unable to load user with ID: 750



Зміцер Сасноўскі: "Мы патрыёты свайго стылю і накірунку музыкі"

  • 23/12/2017 - 07:36 Read: 2081  Rate this item
    (1 Vote)
  • comment 

Напярэдадні штогадовага "Каляднага фэсту" карэспандэнт MetalHeads.By пагутарыў з яго заснавальнікам -- лідэрам гурта "Стары Ольса" Змітром Сасноўскім.

- Зміцер, "Калядны Фэст" - вашае "дзецішча". Раскажыце, як да вас прыйшла ідэя стварэння такога фестывалю? Якія падводныя камяні былі пры рэалізацыі гэтай ідэі? Ці задавальняе Вас цяперашні фармат мерапрыемства, або ў будучыні мы зможам убачыць нейкія трансфармацыі ў ім?

- Кожны год адзначалі з сябрамі Каляды, але ў нейкі момант захацелася яшчэ шырэй і весялей. Складанасцяў вялікіх не было, бо ўсё, што робіцца з задавальненнем і радасцю – заўжды атрымліваецца! Да таго ж, усю адміністрацыйную працу ўзяў на сябе Віталь Супрановіч. І выконвае яе выдатна ўжо дзесяць гадоў. У нас у генах, у прынцыпе, закладзена адзначэнне Калядаў. Тым болей, што святкаванне супадае з астранамічнымі зменамі, а гэта мільёны гадоў адкладалася ў памяці. Таму Каляды не вытруціць з крыві аніяк! Сучасны стан фэста задавальняе, але вельмі хочацца пашырыць яго і зрабіць міжнародным. Хаця галоўным адрасатам застаецца менавіта беларуская публіка.

cover

- Ваш альбом "Medieval Classic Rock" "выбухнуў" як сярод Вашых фанатаў, так і сярод іншых рокераў. З чым звязваеце поспех рэлізу? Якія эксперыменты яшчэ могуць чакаць ад вас прыхільнікі рок-музыкі і асабіста "Стары Ольса"?

- Гэта быў недоўгачасовы адыход ад асноўнай "генеральнай лініі" Сярэднявечча. Мы патрыёты свайго стылю і свайго накірунку музыкі. Гэта даказваюць трое гастроляў па Амерыцы (а будзе іх яшчэ бясконцая колькасць) – там мы выконваем амаль выключна сярэднявечную музыку. Увогуле, поспех жывых інструментаў звязаны з тым, што вушы і густы сучаснага слухача, незалежна ад краіны і паходжання, стаміліся ад сучасных электронных інструментаў. А выкананая на старых інструментах рок-класіка набывае новае, "жывое" гучанне.

BgNIYIP-xLk

- Складзіце Ваш асабісты топ-5 або топ-10 фолк-выканаўцаў Беларусі! Ну і асабісты топ-10 фолк-калектываў былога Саюза тады ўжо.

- Я не моцна разбіраюся ў фолку. А фальклор на баянах увогуле не ўспрымаю. Мне падабаюцца эксперыменты спалучэння фальклора і абрадавых мелодый – Руся, Патрыцыя Свіціна, Палац, ПАВА і іншыя накшталт гэтых. Але больш увагі я звяртаю на медываль, а не фолк – Ірдарад, Літы Талер.

- Якое "музычнае меню" у кожнага з удзельнікаў гурта? Ці ёсць калектывы, любоў да якіх аб'ядноўвае ўсіх музыкаў "Стары Ольса"?

- Кожны слухае розную музыку. Ды і густы ў людзей з часам змяняюцца – удасканальваюцца. Лютніст наш Ілля Кубліцкі - шматгадовы аматар Ролінг Стоўнз. Астатнія слухаюць надта розную музыку. Я зараз часта слухаю барока, а таксама якасны рок – тут дзякуй вялізарны радыёстанцыі “Мінск”. Дарэчы, калісьці на гастролях мы ў бусе злавілі цікавую і густоўную падборку рока 60-70-х гадоў, слухалі з задавальненнем усё.

pic

- Вокладка альбома «Кола рыцэрска» змяшчае цікавы арт, які ўяўляе сабой сабраныя ў выглядзе зоркі былінныя інструменты і старажытную зброю. Хто займаўся стварэннем гэтага мінімалістычнага, але вельмі каларытнага малюнка? Якое значэнне нясе гэты вобраз?

- Стварылі вокладку самі, разам. З'явіліся думкі, што ілюстрацыяй да загалоўнай песні "Кола рыцэрска" магло б стаць спалучэнне кола, музыкі, рыцарскіх атрыбутаў. Такія думкі ў выніку і прывялі да такога "нацюрморта"!

- Некаторыя фанаты цікавяцца, чаму вы не выконваеце на канцэртах (альбо выконваеце рэдка) некаторыя вашыя песні, якія даспадобы публіцы? Такія як, напрыклад, “Што й па Мору”, “Рэвель”, або “Нямон”. Як наогул фармуецца ваша канцэртная праграма? Якімі прынцыпамі вы кіруецеся пры яе складанні?

- Некаторыя песні для нас, як ні дзіўна, састарэлі. Мы пастаянна развіваемся, і з цягам часу старыя аранжыроўкі ці тэмы становяцца нецікавымі для выканання. Некаторыя банальна надакучаюць - і на некаторы час выбываюць з рэпертуара. Праграму фармуем разам - з улікам месца, публікі, настрояў і нагоды (свята, сольніка, падзеі). Часта бывае, што падчас канцэрта ўносім змены ў спіс песен літаральна на сцэне, бо даводзіцца карэктаваць жаданні ў адпаведнасці з паводзінамі публікі – ці рабіць праграму больш хуткай і вясёлай, ці наадварот сыходзіць у камерную частку рэпертуару для ўдумлівых і спакойных слухачоў.

6uosxK0ki5s

- Вы шмат гастралюеце, у тым ліку ў Амерыцы (што само па сабе ўжо з'яўляецца вялікім поспехам - не з кожным калектывам нашым такое здараецца). Падзяліцеся ўражаннямі ад месцаў, дзе даводзілася бываць і выступаць, складанасцямі, якія ўзнікалі ў паездках, а можа, і пацешнымі выпадкамі і назіраннямі!

- Падзеяў было шмат, шмат было і прыгодаў, сустрэчаў, падарожжаў. За кожны з трох тураў мы мінімум аднойчы праязджалі ад акіяну да акіяну. З усімі нашымі назіраннямі і здымкамі можна пазнаёміцца ў Дзённіках тураў у ВК і ФБ. Запрашаю – наведайце і паглядзіце. Адное скажу: колькасць уражанняў нават цяжка ўсвядоміць і "пераварыць"!

- Пытанне напрыканцы: што трэба мець таму, хто ідзе на "Калядны Фэст", каб быць "на адной хвалі" з выступоўцамі? Дайце параду тым, хто, магчыма, купіў білет на фестываль упершыню!

- Калі ідзеш упершыню, памятай: табе патрэбныя нястрыманая радасць, моцныя ногі, гучны голас, ну і трывалая пячонка!!!

 

Гутарыў Johnny Willson




Leave a comment

Make sure you enter all the required information, indicated by an asterisk (*). HTML code is not allowed.

Поиск

Радио MetalHeads

Ближайшие концерты


19
Jul
2020

19 July 2020

Брюгге
Партизанский пр-т, 6А


12
Sep
2020

12 September 2020

Брюгге
Партизанский пр-т, 6А


25
Sep
2020

25 September 2020

Re:Public
ул. Притыцкого, 62


06
Nov
2020

06 November 2020

Re:Public
ул. Притыцкого, 62


17
Nov
2020

17 November 2020

Re:Public
ул. Притыцкого, 62


26
Nov
2020

26 November 2020

Falcon Club Arena
пр. Победителей 20


01
Mar
2021

01 March 2021

Prime Hall
пр. Победителей 65


07
Mar
2021

07 March 2021


TBA


12
Mar
2021

12 March 2021

Re:Public
ул. Притыцкого, 62

Вход

METALHEADS.BY © 2014-2019 All Rights Reserved. 93c8f939b9c83ef7